Þennan kjúkling hefur mamma gert í nokkur ár fyrir okkur í fjölskyldunni og er þetta alltaf jafn gott. Þessi kjúklingur með mangó sósunni er uppáhalds hjá mér.
Gott er að láta kjúklinginn marinerast í allavega tvo tíma áður en hann er grillaður (eða steiktur á pönnu) en því lengur sem hann marinerast því betra. Þessi uppskrift er fyrir fjórar kjúklingabringur eða einn pakka af kjúklingalundum. Uppskriftin af marineringunni er úr eldgömlu Gestgjafa blaði og í henni voru notaðar kjúklingabringur sem voru skornar í ca. þrjár lengjur og þræddar á grillpinna. Við notum alltaf lundir.
Marinering fyrir kjúkling:
- 3 stiklur sítrónugras (lemongrass) – fínsaxað (fæst ekki alltaf en hægt að kaupa líka í krukku eða nota safa úr hálfri sítrónu)
- 2 msk engifer – fínrifið
- 4 msk sojasósa
- 1/2 msk hunang (fljótandi)
- 4 msk sesamolía
Ofaná kjúkling rétt áður en hann er borinn fram:
kóríander – fínsaxað
1 rautt chilli-aldin – fínsaxað
Sósa:
-
- Ein dós grísk jógúrt (350 gr.)
- Sirka 4 rif af hvítlauk (eða eftir smekk)
- 1 – 1&1/2 msk karrý
- 6 msk Sharwoods mango chutney
- Smá salt og pipar
-Smakkið til-
Borið fram með hrísgrjónum og baguette – svo gott að dýfa brauðinu í sósuna!
Þið verðið ekki svikin♡
xo
Guðrún Birna
