Mér finnst ávallt gott að hafa allt í röð og reglu inn á baði. Baðherbergi geta stundum verið lítil og finnst mér því mikilvægt að hafa gott skipulag þar. Snyrtivörur geta stundum safnast upp og taka mikið pláss þegar mikið er í umferð. Mér finnst það skipta máli að vera með fáar vörur í gangi til að viðhalda góðu skipulagi.
Ég hef verið dugleg að sýna frá skipulagi á mínum miðli og fengið góð viðbrögð. Ég deildi nú á dögunum skipulaginu inn á baðherbergi og fékk þó nokkuð margar spurningar. Mig langaði til þess að svara þeim helstu hér 🖤
Mæli mikið með hirslunni Godmorgon frá Ikea. Hirslan hjálpar þér að hafa hlutina á réttum stað 👌🏽
Kuggis kassarnir frá Ikea eru hentugir fyrir svona skipulag.
Þegar kemur að því að geyma vörur í skápum finnst mér gott að fara eftir þessu: Ef ég nota vöruna mikið fer hún í grunna hirslu. Ef varan er notuð sjaldan fer hún í djúpa hirslu/box. Með því að geyma hlutina þannig kemstu léttara að. Ég elska þetta skipulag og mæli mikið með því 👏🏼
Ég fæ reglulega spurningar útí þennan skáp og langaði mig að svara þeim hér 🖤
Hirslurnar undir kremin – Søstrene Grene
Varalitabox – Søstrene Grene
Glæru stóru boxin – Byko
Krukka – Ikea
Hef þetta ekki lengra í dag. Mæli með að fylgja mér á mínum miðli ef þið hafið áhuga á skipulagi 🖤
✹✹ Þessi færsla er ekki kostuð eða unnin í samstarfi ✹✹
