Ég ákvað að prufa að gera heimatilbúið grænmetis wellington fyrir jólin í ár. Það var mun auðveldara en ég bjóst við og mun bragðmeiri en það sem ég hef verið að kaupa tilbúið út í búð. Ekki mikla fyrir ykkur hversu mörg skref eru í þessari uppskrift, þetta er ósköp einfalt.
Uppskrift fyrir 4+
Innihald:
- 300 gr spínat
- 2 stórir laukar
- 4 stórir portobello sveppir
- 2 msk dijon sinnep
- Garðablóðberg / Timían
- Smjörklípu
- Smjördeig
- Salt og pipar
Aðferð:
- Skerið laukinn og sveppina smátt og steikið á pönnu upp úr smjöri þangað til laukurinn er orðinn gullinbrúnn.
- Bætið síðan spínatinu við á pönnu.
- Kryddið með salti og pipari og bætið við fersku garðablóðbergi.
- Blandan er sett í ísskápinn í allavega klukkutíma, má þess vegna vera yfir nótt.
- Fletjið út smjördeigið.
- Takið helminginn af blöndunni og setjið ofan á degið, en passið að það er nóg pláss í kringum til þess að loka deiginu.
- Því næst er dijon sinnepið sett yfir.
- Hinn helmingurinn af blöndunni er síðan bætt við ofan á.
- Lokið smjördeiginu.
- Penslið með eggjarauðu ofan á.
- Skerið rendur í smjördeigið til að mynda mynstur (má að sjálfsögðu sleppa). Skreytið með fersku garðablóðbergi.
- Bakið við 180° í 25 mínútur.
