Mig langar að deila með ykkur uppskrift af smákökum sem voru uppáhalds jóla smákökurnar mínar þegar ég var krakki.
Hráefni:
- 2 bollar púðursykur
- 1 bolli sykur
- 2 bollar smjörlíki eða ca. 400 gr.
- 4 egg
- 3 tsk vanilludropar
- 4 ½ bolli hveiti
- 2 tsk matarsódi
- 2 tsk salt
- M&M’s til skrauts
Aðferð:
Sykur, púðursykur og smjörlíki þeytt vel saman, eggin sett útí og þeytt í góða stund. Vanilludropar, hveiti, matarsódi og salt bætt síðan við.
Deigið sett á plötu með teskeið í litlar kúlur.
Bakað við 210 gráður, fyrst í 5 mínútur, platan tekin út og M&M‘s bætt á, platan látin svo aftur inní ofn í ca 3 mínútur.
Fyrir þá sem vilja ekki of mikið af kökum er hægt að helminga uppskriftina.
Verði ykkur að góðu!
xo
Guðrún Birna
