Mig langar að deila með ykkur mjög einföldum og góðum kjúklingarétti sem ég eldaði í gær. Ég hef gert hann nokkrum sinnum áður og finnst hann alltaf jafn góður! Mjög gott að gera nóg og eiga í nesti eða í matinn daginn eftir.
Fyrir 4 – 5:
4 kjúklingabringur
1 stór sæt kartafla eða 2 litlar
1 mexíkó ostur
250ml matreiðslurjómi
Sveppir eftir smekk
Krydd að eigin vali
- Kveikja á ofninum, 180°c.
- Mexíkó osturinn rifinn niður í pott og matreiðslurjómanum bætt út í. Osturinn er látinn bráðna á lágum hita. Muna að hræra reglulega í sósunni.
- Skera kjúklingabringur og sætar kartöflur í strimla. Skera sveppi í sneiðar.
- Krydda kjúklingabringurnar eftir smekk og steikja létt á pönnu, bara til að taka mesta vökvan úr bringunum og brúna aðeins kantana.
- Kjúklingabringunum er raðað þétt í botn á eldföstu móti.
- Sveppum dreift yfir kjúklingabringurnar.
- Sósunni helt yfir
- Sætu kartöflunum dreyft yfir
- Eldfasta mótið sett inn í ofn í 30 – 40 mínútur eða þar til sætu kartöflurnar eru orðnar mjúkar og kjúklingurinn fulleldaður.
Borið fram með fersku salati.
Njótið!
