Ég er alltaf að reyna að finna eitthvað sniðugt millimál fyrir mína 10 mánaða sem er bæði hollt og gott. Ekki skemmir fyrir þegar það er líka einfalt og fljótlegt!
Ég skellti í þessa uppskrift um daginn og hún sló alveg í gegn hjá dúllunni minni. Uppskriftin gerir um 10-12 litlar skonsur sem eru þægilegar fyrir börn að narta sjálf í.
Það sem þarf
20 gr. hafrar
1 egg
hálfur banani
Kanill og kakó eftir smekk (ég notaði um 1/4 tsk af hvoru)
Aðferð
1. Hafrar fínmalaðir í matvinnsluvél
2. Banana, kanil og kakó bætt út í matvinnsluvélina og blandaði vel
3. Egginu bætt út í og hrært þangað til þetta er allt búið að blandast saman
4. Mæli með að steikja þær á pönnukökupönnu
Ég smurði skonsurnar svo með smjöri og osti og leyfði Hugrúnu að narta sjálf í þær. Hún kláraði ekki allar skonsurnar en restinni skellti ég í box og geymdi í ísskáp fyrir næsta dag
Njótið!
Instagram: asahulda
